Dekabrın 3-dən 5-dək Bakıda Azərbaycan milli komandasının təlim-məşq toplanışı keçiriləcək.
Korner.az-ın məlumatına görə, seleksiya xarakterli toplanışa yığmanın baş məşqçisi Berti Foqts "Simurq"un heyətindən dörd futbolçu dəvət edib. Bunlar qapıçı Eyyub Əliyev, müdafiəçi İlkin Qırtımov, yarımmüdafiəçilər Asif Mirili və Murad Səttarlıdır.
Bu futbolçuların hər biri karyerası ərzində müxtəlif yaş qruplarından ibarət milli komandaların heyətinə cəlb olunub. Gənc qapıçı Eyyub Əliyev hazırda da, U-19-un əsas üzvlərindən biridi.
Zaqatala futbol məktəbinin yetirməsi İlkin Qırtımov isə bu ilin əvvəlində 21 yaşlılardan ibarət yığmanın seleksiya xarakterli toplanışına dəvət almışdı. Asif Mirili və Murad Səttarlıda müxtəlif yaş qruplarından ibarət millinin heyətində dəfələrlə forma geyinib.
