250-yə çatan 15-ci
28.10.2019 , 12:50
“Sumqayıt” Premyer Liqada 250-ci qolunu vurub. Bu, mövsümün IX turunun “Neftçi” ilə ev oyununa təsadüf edib. “Kapital Bank Arena”da 2:4 hesabı ilə uduzan meydan sahiblərinin qarşılaşmadakı son qolu yubiley xarakteri daşıyıb. 90+2-ci dəqiqədəki topa Rəhim Sadıxov imza atıb.
Bu, 2011/12 mövsümündən Premyer Liqada çıxış edən “Sumqayıt”ın 261-ci oyununda 250-ci qolu olub. “Gənclik şəhəri” təmsilçisinin orta məhsuldarlığı 0,96-ya bərabərdir. 250 qoldan 133-ü evdə, 117-si səfərdə vurulub.
1-ci qol
2011/12 mövsümü. 06.08.2011. “Xəzər Lənkəran” – “Sumqayıt Şəhər” – 2:1
Eşqin Quliyev, 85
50-ci qol
2012/13 mövsümü. 11.03.2013. “Sumqayıt” – “Turan” – 4:0
Pərdis Fərcad-Azad, 19
100-cü qol
2014/15 mövsümü. 14.12.2014. “Neftçi” – “Sumqayıt” – 3:2
Orxan Əliyev, 63
150-ci qol
2015/16 mövsümü. 11.05.2016. “Sumqayıt” – “Rəvan” – 3:1
Pərdis Fərcad-Azad, 71
200-cü qol
2017/18 mövsümü. 02.12.2017. “Kəpəz” – “Sumqayıt” – 0:3
Cavid İmamverdiyev, 68
250-ci qol
2019/20 mövsümü. 27.10.2019. “Sumqayıt” – “Neftçi” – 2:4
Rəhim Sadıxov, 90+3
“Sumqayıt” Azərbaycan çempionatları tarixində ən azı 250 qol vuran 15-ci komandadır.
