"Qəbələ"nin 13 yaşa qədər futbolçulardan ibarət komandası Türkiyənin Antalya şəhərində – IV Vodafone Beynəlxalq Turnirində bu gün iki oyun keçirib.
Korner.az-ın məlumatına görə, ilk matçda bölgə təmsilçisi Türkiyənin köklü klublarından "Bursaspor"lu həmyaşıdları ilə üz-üzə gəlib. Qarşılaşmada daha yaxşı təsir bağışlayan bursalılar 4:0 hesabilə qalib gəlib.
Günün ikinci görüşündə "qırmızı-qaralar" “Kosova SDC – İFA” ilə qarşılaşıb. "Qəbələ" rəqibini 5:0 hesabilə məğlub edib. Komandaya qələbə qazandıran qolları Məhəmməd Abbaslı (2), Samir Atakişiyev (2), Təbriz İsazadə vurub.
Qrup mərhələsinin son oyununda "Qəbələ" bu gün "Kızılcahamamspor"la üz-üzə gələcək.
