Avroliqanın III təsnifat mərhələsində keçiriləcək "Qarabağ" – "Hefle" matçı üçün bu gün sonuncu məşqlər keçiriləcək.
Korner.az-ın klubun rəsmi saytına istinadən verdiyi məlumata görə, ilk olaraq "Qarabağ" respublika stadionunda meydana çıxacaq. Saat 19:15-də "Qarabağ" mərkəzi arenada oyundan öncə sonuncu məşqinə çıxacaq. "Qarabağ"ın baş məşqçisi Qurban Qurbanovun iştirakıyla mətbuat konfransı 20:15-də olacaq.
İsveçlilərin məşqi saat 21:00-a nəzərdə tutulub. Ona qədər isə "Hefle"nin baş məşqçisi Per Olson saat 20:30-da media mənsublarının önünə çıxacaq.
