“Neftçi” və Rusiya “Rubin”i arasında futbol üzrə Avropa Liqasının oyunu öncəsi jurnalistlər üçün açıq məşq və mətbuat konfransı keçiriləcək.
Korner.az-ın klubun rəsmi saytına istinadən verdiyi məlumata görə, oktyabrın 7-də “Rubin”in baş məşqçisi Kurban Berdıyev jurnalistlər önünə çıxacaq.
Bundan yarım saat sonra Kazan təmsilçisinin ilk 15 dəqiqəsi açıq olan məşqi olacaq.
“Neftçi”nin baş məşqçisi Böyükağa Hacıyev isə saat 19:30-da mətbuat konfransı keçirəcək. Flaqmanın açıq məşqi isə saat 20:30-da başlanacaq.
Qeyd edək ki, mətbuat konfransı və açıq məşq Tofiq Bəhramov adına Respublika stadionunda olacaq. Oyun isə ertəsi gün elə həmin arenada saat 21:00-da başlanacaq.
