“Əsas heyətin üç üzvünün bu gün oynamaması oyunumuza təsir etdi”

“Bir-birindən fərqlənən iki hissə izlədik. İlk hissədə üstünlük bizim tərəfdə idi. Həm texniki, həm taktiki cəhətdən çətin oyun oldu".

Korner.az-ın məlumatına görə, bu sözləri "Turan"ın baş məşqçisi Əfqan Talıbov deyib. 

Tovuz klubunun çalışdırıcı məğlubiyyətə səbəb göstərib:

"Əsas heyətin üç üzvünün bu gün oynamaması oyunumuza təsir etdi, ikinci hissədə vəziyyətimiz daha da çətinləşdi. Qışda komandanın heyətinin 70-80%-ni saxlamağa çalışacağam”.