“Ən vacib futbolçuların istəkli olmasıdı” – De Byazi
09.09.2020 , 02:03
UEFA Millətlər Liqasının qrup mərhələsində keçirilmiş Kipr – Azərbaycan (0:1) oyunundan sonra millimizin baş məşqçisi Canni De Byazi fikirlərini bildirib.
O, qələbəni belə şərh edib:
“Çox yaxşı oyun keçdi. İlk hissədə daha çox qol vura bilərdik. Sevinirik ki, nəticə bizim xeyrimizə oldu. İkinci hissədə yorğunluq hiss olunurdu. Bir az da gərginlik var idi.
Sevindirici haldı ki, oyunu tam heyətlə tamamladıq. Lüksemburq oyunu ilə müqayisədə müəyyən dəyişiklik etdik. Xoşuma gələməyən şeylər var idi. Ən vacib futbolçuların istəkli olmasıdı.
İlk gündən demişdim ki, uğurlu nəticəyə və qələbəyə hamımız inanmalıyıq. Əgər belə olarsa, bu gün qazandığımız qələbələrin sayı çox olacaq. Bu gün komandamız qələbə qazanmaqla yanaşı qısa müddət ərzində məğlubiyyətdən nəticə çıxarmağı və xarakter nümayiş etdirməyi bacardı”.
