“Əməkdaşlığımız inkişafa təkan verəcək” – PFL prezidenti
02.08.2022 , 14:02
Peşəkar Futbol Liqasının prezidenti Elxan Səmədov “Misli” brendinin Azərbaycan Premyer Liqasında 2022/2023 mövsümünün baş sponsoru olması ilə bağlı fikirlərini bölüşüb.
Korner.az xəbər verir ki, qurumun rəhbəri deyib:
“AFFA və PFL-in Azərbaycan Premyer Liqasının titul sponsorluğu üçün birgə məlumatı qısa müddətdə bir neçə təklifin gəlməsiylə nəticələndi. Futbola və ümumilikdə idmana yaxınlığı, daha sərfəli və cəlbedici təklifi “Misli”nin baş sponsor olaraq seçilməyinə səbəb olan əsas faktlardandır. Peşəkar Futbol Liqası adından “Misli” rəhbərliyinə təşəkkürümüzü bildiririk. Qarşılıqlı fəaliyyətimizin hər iki tərəf və ümumən futbolsevərlər üçün xeyirli və uğurlu olacağına inanırıq. Əminəm ki, əməkdaşlığımız inkişafa təkan verəcək”.
