“Əgər virus Zlatana gəlməzsə, Zlatan virusa gedər”
19.03.2020 , 14:11
Milan”ın hücumçusu Zlatan İbrahimoviç koronavirus pandemiyası ilə mübarizə üçün xəstəxanalara yardım aksiyasına başlayıb.
38 yaşlı futbolçu sosial şəbəkə hesabında bu barədə video yerləşdirib:
“İtaliya həmişə mənə çox şey verib. Hazırda dramatik vəziyyətdi. Çox sevdiyim ölkəyə daha artığını qaytarmaq istəyirəm. Mənimlə birgə çalışan insanlarla xəstəxanalar üçün yardım toplamağa və bunu yaymağa qərar verdim. Bu, ciddi məsələdir, tək video çəkmək yox, kömək etmək lazımdır. Bu virusu yox etmək üçün həmkarlarım, bütün peşəkar idmançılar və yardım etməyi sevən səxavətli insanlara güvənirəm.
Həyatımızı xilas etmək üçün hər gün çalışan xəstəxanalara, həkimlərə və tibb bacılarına həqiqətən də yardım edə bilərik. Birlikdə koronavirusu yox edək və bu oyunda qalib gələk. Sonda unutmayın: əgər virus Zlatana gəlməzsə, Zlatan virusa gedər”.
