“Zirə” komandasına qarşı oyunun çətin olacağını bilirdik. Çünki komandada güclü legionerlər var. Təcrübəli oyunçuları da var. Bizdə isə cavan futbolçular daha çoxdu”.
Bu sözləri “Zirə”nin sabiq futbolçusu Nurlan Novruzov deyib. Hazırda “Səbail”in uğurları üçün çalışan oyunçu Topaz Premyer Liqası I turunda “Zirə”yə qarşı keçirdikləri oyun haqda danışıb.” Səbail”in 1:2 hesabı ilə uduzduğu matçdan sonra hücumçu bunları deyib:
“İlk dəqiqələrdə “Zirə”nin üstünlüyü vardı. Qol vurulduqdan sonra özümüzə gəldik. Yoxsa hesab böyük də ola bilərdi. Amma oyunun tempin saxlaya bildik, hücumlar etdik. Bəzi epizodlardan istifadə edə bilmədik. Ondan istifadə edə bilsəydik, hesab fərqli ola bilərdi. Buna baxmayaraq pis oynamadıq. İlk tur idi. Düşünürəm ki, növbəti turlarda daha yaxşı oynayarıq.
Əsas məqsədimiz çempionatda qalmaqdı. Yəni ilk dördlük barədə yalandan deyə bilmərəm.
Mən “Zirə” ilə oyuna xüsusi hazırlaşmamışdım. Bu komandaya qarşı problemim yoxdu. Adi oyun kimi hazırlaşdım. Yeni futbolçularla anlaşmağa vaxt lazımdı. Çox yaxşı oynamadıq. Əlimizdən gələni etdik”
