Avropa Liqasının qrup mərhələsi çərçivəsində “Krasnodar”a qarşı dünən keçirdiyi son oyunda məğlub olan (0:3) “Qəbələ”nin hücumçusu Sergey Zenyov UEFA-nın saytına açıqlama verib.
Korner.az-ın məlumatına görə, forvard komandanın hazırkı durumdan necə çıxarmaq lazım olduğunu bilmədiklərini deyib.
“Biz özümüzə inanırdıq, çalışırdıq, ancaq alınmadı. Hücumların məntiqi sonluğu olmurdu. Qol vura bilməyəndə isə qələbə qazanmaq mümkün deyil. Hələ ki vəziyyətdən çıxış yolunu tapa bilmirik. Yəqin ki, hücumçuları dəyişmək lazımdır. Ancaq demək olmaz ki, hər şeyə görə hücumçular günahkardır. Hücumda da, müdafiədə də bütün futbolçular iştirak edirlər. Qol buraxmışıqsa, təkcə qapıçımız yox, hamımız günahkarıq. Hücumçu qol vura bilmirsə, digər ampluadakı oyunçular vura bilərlər. Hamı səhv edir, bu, futboldur”, – deyə Zenyov bildirib.