"Yuventus"un baş məşqçisi Antoniyo Konte "Roma" qələbəsindən sonra mətbuat konfransında jurnalistlərin suallarını cavablandırıb.
Korner.az-ın məlumatına görə, 3:0 hesabı ilə qalib gəldikləri "Roma" qarşılaşması haqqında açıqlamalar verən Konteni jurnalistlərin birinin Çempionlar Liqasında "Qalatasaray"a məğlub olmaqlarının səbəbini soruşması əsəbləşdirib. Belə ki, təcrübəli mütəxəsis jurnalistin "İtaliyada hökmdarlıq edirsiniz, amma Avropa qrupda qaldınız. Bunun səbəbi nədir?" sualına "Çempionlar Liqasında "Qalatasaray" və "Kopenhagen"ə qarşı özümüzdən razı şəkildə oynadıq. Onlara qarşı ilk dəqiqələrdən üstünlüyü ələ ala bilmədik və bunun cəzasını ödədik. Əlbəttə ki, "Qalatasaray"la oynadığımız son qarşılaşmda meydan normal vəziyyətdə olsaydı, indi biz növbəti mərhələdə idik. Qrupda qalmağımız çox pis təsir etsədə, bizim üçün böyük təcrübə oldu" deyə cavablandırıb.