.jpg)
"Xəzər Lənkəran"ın baş məşqçisi Yunis Hüseynovun Korner.az saytına müsahibəsi
– Millimizin Portuqaliya oyunu haqda nə deyərdiz?
Millinin hər iki oyununu izlədim. İsraillə matçda komanda yaxşı təsir bağışladı və bunun məntiqi nəticəsi kimi bir xal qazandıq. Həmin oyunda qalib də gələ bilərdik. Amma Portuqaliya ilə oyunda futbolçular zəif təsir bağışladılar. Daha doğrusu, Portuqaliya millisi həddindən artıq güclü oynadı.
– Komandanıza cəlb olunan 3 legioner haqda nə deyərdiz. “Böyük oyun”a hazırdılarmı?
Üç yeni transferimiz: Beto, Dimitrios Sialmas və Vanderson Skardovelli tam hazır deyil. Fiziki cəhətdən bir az zəifdilər. İki aydı məşq etmirdilər. Son 10 gündə bizdə məşq edirlər. İndi 50-60 faiz hazırdılar.
– “Xəzər Lənkəran”da əsas problemlərdən biri qapıçıyla bağlıdı. Kamranın əsas komandadan uzaqlaşdırdıqdan sonra Orxan Sadıqlının çıxışı sizi qane edirmi?
“Neftçi” ilə oyuna çıxacaq heyət hələ bəlli deyil. Bilinmir ki, kim oynayacaq, kim oynamayacaq. Orxana gəlincə, gənc qapıçıdı və pis təsir bağışlamır.
– “Xəzər Lənkəran” “Böyük oyun”a hazırdımı?
Komanda tam olaraq hazırdı. Allahın köməkliyi ilə bu oyunda 3 xalı qazanan tərəf biz olarıq. Bu oyunda ancaq və ancaq qələbə bizi razı salar.
– Kamran Ağayevin yenidən əsas komandaya qaytarılacağı haqda söz-söhbət gəzir.
Hardan eşitmisən? Mən indi, ilk dəfə səndən eşidirəm.
RÖYA KƏRİMLİ
