Premyer Liqanın XXVI turunda "Kəpəz”ə qarşı oyunda qələbə qazanan "Rəvan" baş məşqçi Ramil Əliyevə yubiley hədiyyəsi etmiş oldu. Maraqlıdı ki, son matç gənc mütəxəssis üçün ikiqat yubileylə yadda qaldı.
Korner.az-ın klubun rəsmi saytına istinadən verdiyi məlumata görə, "Kəpəz”lə oyun Əliyevin baş məşqçi kimi 90-cı görüşü oldu. Söhbət onun çalışdığı klublarda çalışdırdığı əsas komandalardakı oyun sayından gedir. 2008-ci ildə I diviziondan elitaya komanda çıxarmış ən gənc məşqçi kimi fAzərbaycan utbol tarixinə düşən Əliyevin cari mövsümün gedişində təyinat aldığı "Rəvan”dan öncəki karyerası sırf MOİK-lə bağlıdı.
Hazırda Premyer Liqa tarixinin ən gənc baş məşqçisi sayılan Ramil Əliyev MOİK-dəki 80-nin üzərinə "Rəvan”dakı 10-u da gəlib 90-a çatdı. Göründüyü kimi, "Kəpəz”lə matç Ramil bəy üçün "Rəvan”dakı 10-cu görüş olub, yəni bu da bir yubileydi.
Daha bir yubiley onun bu matçlarda əldə etdiyi qələbə sayı ilə bağlıdı. 26 yaşlı Əliyev baş məşqçi kimi 90-cı görüşündə 30-cu zəfərinə sevindi. Ümumiyyətlə, gənc mütəxəssis 90 oyunda 30 qələbə, 15 heç-heçə və 45 məğlubiyyət görüb. Onun çalışdırdığı komandalar 88 dəfə rəqib qapısına yol tapıbsa, qapısından 140 qol buraxıb. Kubokdakı 7 oyunu çıxsaq, bu müddətdə Əliyevin komandaları 102 xal toplayıb.
