Almaniya yığmasının baş məşqçisi Yoahim Löv DÇ-2018-in seçmə mərhələsi çərçivəsində Azərbaycan, Çex Respublikası, Şimali İrlandiya, Norveç və San Marino ilə eyni qrupa düşmələrinə münasibət bildirib.
Korner.az-ın məlumatına görə, o, bunları söyləyib:
“Kifayət qədər maraqlı qrupa düşmüşük. Yaxşı rəqiblərimiz var. Aydın məsələdir ki, qrupda birinci yeri tutmağa çalışmalıyıq. Çünki hazırkı dünya çempionuyuq. Çexiya, Norveç və Şimali İrlandiya son dövrlər çox iddialı komandaya çevrilib. Yaxşı nəticələr qazanırlar. Amma biz hazırda AÇ-2016-nın seçmə mərhələ oyunlarına köklənmişik. DÇ-2018-in seçmə mərhələsinə Avropa Çempionatından sonra köklənəcəyik”.
