Yığmamız Avropa çempionu oldu
25.06.2023 , 21:27
Yeniyetmə cüdoçulardan ibarət Azərbaycan millisi Portuqaliyanın Odivelas şəhərində keçirilən Avropa çempionatının qalibi olub.
Korner.az xəbər verir ki, qarışıq komanda yarışında millimiz ardıcıl olaraq Niderland, Almaniya və İtaliyaya qalib gəlib. Yığma finalda Fransanı ilə qarşılaşıb. Çempionluq uğrunda mübarizədə Azərbaycan seçməsi 1:3 hesabı ilə geri düşsə də, əzmkarlıq göstərib və hesabı 3:3 edib.
Qalib qızıl xal ilə müəyyənləşib. Rəqib idmançı Adrian Mivovan (60 kq) Məhəmməd Musayevlə görüşə çıxmayıb. Bununla da təmsilçimiz qalib elan edilib. Azərbaycan millisi 4:3 hesablı qələbə ilə Avropa çempionatının qızıl medallarını qazanıb.
Final
Qadınlar
48 kq
Vüsalə Hacıyeva – Selia Mayllar: Qələbə
63 kq
Fidan Qasımova – Emmi Qalludek: İpponla məğlubiyyət
Kamilla Toholiyeva – Leonie Minkada-Cakineu: İpponla məğlubiyyət
Kişilər
60 kq
Məhəmməd Musayev – Adrian Mivovan: İpponla qələbə
81 kq
Aslan Kotsoyev – Desir Zoba Kasi: İpponla qələbə
Ramazan Əhmədov – Mateo Akiana Monqo – İpponla məğlubiyyət
Qızıl xal
60 kq
Məhəmməd Musayev – Adrian Mivovan: Qələbə
Avropa çempionatının fərdi yarışlarını 9 medalla başa vuran Azərbaycan millisi komanda hesabında birinci olub.
