Yanlış penalti qərarı verən hakim baş məşqçidən üzr istədi – VİDEO

Türkiyə Super Liqasının 6-cı turu çərçivəsində keçirilən “Kasımpaşa” – “Rizespor” matçından sonra maraqlı hadisə baş verib.

Korner.az-ın məlumatına görə, “Kasımpaşa”nın baş məşqçisi Rza Çalımbay oyundan sonra televiziyaların birinə müsahibə verərkən görüşün baş hakimi Dəniz Çoban canlı yayıma qatılaraq ondan üzr istəyib, kobud səhvə yol verdiyini deyib.

Hər iki komandanın əleyhinə səhv qərarlar verdiyini etiraf edən referi bu səhvlərinə görə hətta karyerasını başa vura biləcəyini də söyləyib.