“Xəzər Lənkəran” qapıçı Kamal Bayramovla yollarını ayırıb.
Korner.az-ın klubun rəsmi saytına istinadən məlumatına görə, 2011-ci ilin may ayında imzalanan müqaviləyə klubla futbolçunun qarşılıqlı razılaşması nəticəsində xitam verilib.
Klub qış “transfer pəncərəsi” zamanı bu mövqeyi möhkəmləndirmək məqsədilə yeni qapıçını sıralarına cəlb etməyi planlaşdırır. Bundan başqa, əsas komanda aşağı yaş qruplarından olan gənc qapıçılardan da yararlanmağı nəzərdə tutur.
Qeyd edək ki, Bayramov Lənkəran təmsilçisinin heyətində 8 oyuna 15 qol buraxıb.