Madrid "Real"ı yay transfer dövrünün ilk keçidini rəsmiləşdirib.
Korner.az-ın Türkiyə mətbuatına istinadən məlumatına görə, "Kral klubu"nun rəsmi internet səhifəsində yerləşdirilən açıqlamada Xorvatiya millisinin pleymeykeri Luka Modriçin transfer edildiyi bildirilir.
26 yaşlı Modriç qarşıdakı 5 ili Madrid klubunda keçirəcək. İspaniya mətbuatının məlumatına görə, onun "Tottenhem"dən keçidi "Kral klubu"na 35 milyon avroya başa gəlib.
Madridə bu gün gələcəyi söylənilən Modriç tibbi müayinədən keçdikdən sonra rəsmi müqaviləyə imza atacaq.
Qeyd edək ki, 2008-ci ilin yayında Zaqreb "Dinamo"sundan "Tottenhem"ə keçən Luka bu komandanın forması altında meydana çıxdığı 160 oyunda 17 qola imza atıb.
Xatırladaq ki, Luka Çempionlar Liqasının 2007-2008-ci illər mövsümümün ilkin təsnift mərhələsində "Xəzər Lənkəran"ın "Dinamo"yla keçirdiyi hər iki oyunda meydana çıxmışdı. Təmsilçimiz Bakıda 1:1 hesablı heç-heçənin eynisini Zaqrebdə təkrarlasa da,əlavə vaxtda buraxdığöı 2 qolla məğlub olmuşdu.
![](https://korner.az/wp-content/uploads/2018/06/korner-logo.png)