"Yeni baş məşqçi məsələsinə ayın 4-dən sonra aydınlıq gələ bilər. "Rəvan"la oyundan sonra, ola bilsin, biz yeni baş məşqçi ilə müqavilə bağladıq. Lakin hələ dəqiq bilinən bir şey yoxdu".
Bu sözləri Korner.az-a açıqlamasında "Xəzər Lənkəran" klubunun mətbuat xidmətinin rəhbəri Yalçın Əliyev deyib.
Klub rəsmisi yeni baş məşqçinin adını açıqlamasa da, adı "ağ-yaşıllar"la hallanan "Kasımpaşa"nın sabiq baş məşqçisi Mətin Diyadinin onların maraq dairəsində olmadığını bildirib:
"Siyahıda həm yerli, həm də xarici baş məşqçilər var. Orda elə adlar var ki, bunu mən deməkdə çətinlik çəkirəm. Bu işlə birbaşa klub prezidenti məşğul olur. Sadəcə onu deyə bilərəm ki, Mətin Diyadin bizim siyahımızda yoxdu. Bunlar yanlış informasiyalardı".
