“Hər kəs şahid oldu ki, biz qələbə qazanmağa layiq idik”
Bu sözlər “Atletiko”nun sağ cinah müdafiəçisi Xuanfrana məxsusdu.
İspaniya La Liqasının X turunda öz meydanında “Vilyarreal”la heç-heçə (1:1) edən komanda Qarşılaşmadan sonra yerli mətbuat qarşısında çıxış edib. Komandanın sağ cinah müdafiəçisi Xuanfran açıqlamalarında hücum xəttinə lazımi dəstəyi vermədiklərini söyləyib. İspaniya millisinin üzvü “Qarabağ”la sabahkı matçla bağlı isə iddialı danışıb: “Hesabı açdığımız bir çox oyunda qələbə qazanmışıq. “Vilyarreal”la son görüşdə də qalibiyyətə layiq çıxış etmişdik. Hücumçularımıza geridən dəstək verməliyik. Onların oyundan-oyuna daha yaxşı olmaq üçün necə çalışdıqlarını görürük. Sabah “Qarabağ”a qalib gələcəyik və ondan sonra hər şey daha yaxşı olacaq”.
Qeyd edək ki, “Atletiko” – “Qarabağ” qarşılaşması “Vanda Metropolitano” stadionunda keçiriləcək.
