“Xəzər Lənkəran”ın sabiq çalışdırıcısı Mustafa Dənizli karyerasını La Liqada davam etdirə bilər.
Korner.az-ın məlumatına görə, Türkiyə mətbuatı “Qalatasaray”a keçəcəyi də söylənilən Dənizlinin İspaniyanın “Hetafe” klubunun “sükanı arxası”na keçə biləcəyini iddia edir.
Türkiyəli mütəxəssisi La Liqa təmsilçisinə iranlı biznesmen Hüseyin Hidayətinin aparacağı deyilir. Öz ölkəsində “Stel Azin” klubunun sahibi, “Perapolis” isə səhmdarlarından olan Hidayəti “Hetafe”nin səhmlərinin 55 faizini almaq üçün qarşı tərəflə danışıqlara başlayıb. Danışıqlar müsbət nəticələnərsə, klubun “sükanı arxası”na Mustafa Dənizli keçəcək.
