Ötən gün Estoniya çempionatında növbəti turun oyunları keçirilib. Korner.az-ın məlumatına görə, Avropa Liqasında "Xəzər Lənkəran" və "İnter"in rəqibləri olan "Nomme Kalyu" və "Trans" (Narva) klubları növbəti matçlarına çıxıb.
Çempionatın hal-hazırkı lideri "Xəzər"in rəqibi "Nomme Kalyu" səfərdə Estoniya futbolunun ən köklü klublarından olan "Levadiya" ilə qarşılaşıb. Cənub təmsilçisinin rəqibi çtin səfərdən bir xalı bir qolla gətirib – 1:1.
"İnter"in rəqibi "Trans" klubu isə səfərdə "Tartu"nu 3:2 hesabı ilə məğlubiyyətə uğradıb.
Bu matçlardan sonra xalını 44-ə yüksəldən "Nomme Kalyu" turnir cədvəlində liderliyini davam etdirir. “Trans” isə 15 oyundan sonra 18 xalla turnir cədvəlinin beşinci pilləsində qərarlaşıb.
