Azərbaycae Kubokunun 1/4 final mərhələsinin “Araz Naxçıvan”la oyunu “Xəzər Lənnkəran”ın üzvü Alvaro Silva üçün ikili hisslərlə yadda qaldı. Matçın ikinci yarısında hesabı açan ispan legioner əlavə vaxtda əllə oynadığı üçün qırmızı vərəqə aldı və penaltiyə səbəb oldu. Nəticədə 11 metrlik zərbəni dəqiq yerinə yetirən Tərlan Xəlilov bərabərliyi təmin etdi – 1:1.
Korner.az-ın məlumatına görə, Silva həmin epizodda penalti olmadığını bildirib. İspan futbolçu deyib ki, top onun sinəsinə dəyib:
“Həmin epizodda top sinəmə dəydi. Orada penalti yox idi. Olmayan penalti təyin olundu və rəqib hesabı bərabərləşdirdi. Üstəlik, hakim məni meydandan qovdu”.
