“Xəzər Lənkəran”ın sabiq qapıçısı, hazırda “Napoli”də çıxış Toni Doblasın müsahibəsi
– Öncə deyərdiniz, 2 aydan sonra Neapolda özünüzü necə hiss edirsiniz?
– Özümü yaxşı hiss edirəm. Ona görə ki, sonuncu oyun təcrübəm 10 ay çıxış etdiyim Azərbaycanda olub. İranın qonşuluğunda yerləşən Lənkəran adlı şəhər paytaxtdan 4 saatlıq məsafədə idi və əhalisi qatı müsəlman idi… Bura isə tez uyğunlaşdım, çünki neapollular andalusiyalılara çox oxşayır. Adamları çox qonaqpərvər, istiqanlıdır və bu baxımdan özümü yaxşı hiss edirəm. 2 aydır ki, Neapoldayam, amma sanki çoxdan burdayam. Buranın camaatı məni çox yaxşı qarşıladı.
– “Napoli”yə keçidin necə baş tutdu?
– Braziliyalı qapıçı Rafael zədəli olduğu üçün oynamayacaqdı. Onlara işsiz qapıçı lazım idi. Azərbaycanın “Xəzər Lənkəran” komandasına qarşı iddiam vardı, 4 ay idi ki, Sevilyada qapıçılarla iş üzrə məşqçi ilə hazırlıq keçirdim. Mən bura gəlməyə dəvət aldım. 5-6 namizəd arasından mən seçildim. Baş məşqçi və qapıçılar üzrə məşqçi barəmdə müsbət rəy verdi. İşsiz ola-ola heyətə cəlb olunmaq qeyri-adi hal idi. Məşqçi mənə zəng edərək, “Napoli”yə dəvət edəndə böyük sevinclə qarşıladım.
– Sizə “Xəzər Lənkəran”dan təklif gəldi və buna razılaşdınız. Başqa təklifiniz yox idi? Niyə məhz bu kluba keçməyə razı oldunuz?
– “Xəzər Lənkəran”ı seçərkən düşünmüşdüm ki, özümü başqa ölkədə sınamağın vaxtı çatıb. Polşa və Macarıstandan da təkliflərim vardı. Ancaq maliyyə baxımından Azərbaycandakından 2 dəfə az pul verirdilər. Ona görə də 7 min km əvəzinə 10 min uzaqda çıxış etmək arxada qalan məsələ idi.
– Azərbaycandakı oyun təcrübəniz necə keçdi?
– Nəzəri baxımdan yaxşı. Çünki komanda 300 km aralıda yerləşən Lənkəranda yox, paytaxtda qalırdı. Lənkəranda isə əvvəl evdə qalırdım, daha sonra digər ispaniyalı oyunçu ilə birgə stadionun yaxınlığındakı yataqxanada bir yerdə qalmağa başladım. Müsəlmanlar üçün əcnəbilər eybəcər və günahkar idi… Şortda gəzmək onlar üçün təhqir idi. Çoxlu qaydalara görə rahat istirahət edə bilmirdik. Ancaq paytaxta gedəndə adamlar daha açıq idi və pivə içməyə gedə bilirdik.
– “Xəzər Lənkəran”da 2 ispaniyalı – baş məşqçi Karles Bakes və futbolçu Alvaro Silva da var idi. Onlarla birgə rahat yaşaya bilmirdiniz?
– Karles Bakes demişdi ki, mən Tobi Doblası istəyirəm. Getdim, ancaq 1 ay sonra o, işindən qovuldu. Alvaro Silva ilə birgə isə mənə çətin olmadı. Bir nömrədə qalanda təcrübəni bölüşürsən və beləcə özünü tənha hiss etmirsən.
elcorreoweb.es
