"Xəzər Lənkəran" klubunun düşərgəsinə baxışa yeni oyunçu gəlib.
Korner.az-ın klubun rəsmi saytına istinadən verdiyi xəbərə görə, bu, 28 yaşlı belarusiyalı futbolçu İvan Deniseviçdir.
O, mərkəz yarımmüdafiəçi mövqeyində çıxış edir. Deniseviçin son oynadığı klub Belarusiyanın “Neman” klubu olub. O, komandanın axşam məşqində iştirak edib.
Səhər məşqini fitnes zalında keçirən “Xəzər Lənkəran” axşam məşqini ənənəvi isinmə hərəkətlərilə başlayıb. Daha sonra futbolçular məşqçi korpusunun verdiyi tapşırıqları yerinə yetiriblər və cinahlardan istifadə edərək qapıya doğru hücumlar təşkil ediblər. Məşqin son 20 dəqiqəsində “Xəzər Lənkəran” ikitrəfli oyun keçirib. Bu oyun zamanı düşərgədə olan yeni futbolçular sınanıb.
