"İntizam Komitəsi bu qərarları ilə Azərbaycana növbəti dəfə özünü güldürdü. Biz onsuzda onlardan ədalətli mqərar göğzləmirdik və bu belə də oldu. Əgər onlar ədalətli qərar verən olsaydı "Bakı", "Qarabağ"ın futbolçularının "Neftçi" ilə oyunda döyülməsinə qarşı bir tədbir görərdi. İK həmin oyunlardakı insidentlərdən sonra vaxtında qərar versəyidi indi bu qalmaqal 28 mayda yaşanmazdı. İK "Neftçi"nin bundan öncəki oyunlarda etdiyi ixtişaşlara, xuliqanlığa qarşı bir tədbir görsəydi, indi hər şey yaxşı olardı".
Bu sözləri Korner.az-a açıqlamasında "Xəzər Lənkəran" klubunun mətbuat xidmətinin rəhbəri Hüseyn Cəbrayıloğlu deyib.
"Ağ-yaşıllar"ın rəsmisi final oyunundan sonra baş vermiş qalmaqalla bağlı İntizam Komitəsinin bu gün çıxardığı qərarlara etiraz edəcəklərini bildirib:
"Təbii ki, biz "Xəzər Lənkəran" klubu olaraq İK-in qərarlarından narazıyıq və bununla bağlı apelyasiyaya şikayət edəcəyik. Həmin oyunda cinayət xarakterli hadisələr baş verib. Ümumiyyətlə İK qərar çıxardanda "Neftçi"nin bundan öncəki xuliqanlıqlarını da nəzər almalı idi. Yoxsa pul cəzası ilə hər şey həll olunmur. İK daha da insanları təhrik edir ki, hər şey edə bilərsiz, sonunda pul verəcəksiz. Biz "Xəzər Lənkəran" klubu olaraq Azərbaycan futbolunun "qoçular"dan təmizlənməsini istəyirik".
Səxavət QURBANOV
