“Avropada daha irəli getməyi planlayan klub olaraq ilk mərhələdə istənilən rəqibi keçməyə məcburuq. Bu mənada çalışacağıq ki, ilk oyundan sərfəli nəticə ilə dönək”.
Bu sözləri Korner.az-a açıqlamasında “Xəzər Lənkəran”ın mətbuat xidmətinin rəhbəri Hüseyn Cəbrayıloğlu deyib.
Cənub klubunun rəsmisi püşkün onlara nəsib etdiyi Malta “Slima”sını zəif hesab etmədiyini də bildirib:
“Biz ilk oyunumuzu səfərdə keçirəcəyik və bu bizim üçün əlbəttə ki, üstünlükdü. Çünki biz istəyirdik ilk oyunumuz səfərdə olsun, yol yorğunluquna görə birbaşa burdan həmin ölkəyə getmək istəyirdik.
“Nomme Kalyu”da zəif komanda idi. Amma onları keçən il çətinliklə keçdik. Hər rəqibə hörmətlə yanaşmağa borcluyuq”.
