“Xəzər Lənkəran”ın baş məşqçisi Con Benjamin Toşak UEFA Avropa Liqasının ilk mərhələsinin püşkatmasıyla bağlı klubunun saytına açıqlama verib.
Korner.az-ın məlumatına görə, uelsli çalışdırıcı rəqibin Malta təmsilçisi çıxmasının onu sevindirdiyini bildirib: “Düşünürəm ki, istədyimiz oldu. Püşkatmadan razı qaldım və xüsusilə ilk oyunun səfərdə keçirilməsi ürəyimizcə oldu. Çünki əks halda biz uzun yol qət edərək Azərbaycana, orda da Lənkərana getməli idik. Əlavə olaraq burdakı hazırlıq planımız da pozulacaqdı. Amma indi Almaniyadakı hazırlığımızı başa vurub Maltaya gedəcəyik. Rəqib mənim karyeramda unutmadığım bir klubdur. Çünki, futbolçu kimi son qolumu da bu kluba vurmuşam. Bilmirəm onlar məni xatırlayacaq, ya yox? Ola bilər ki, ilk oyunu keçirtdikdən sonra Maltada bir neçə gün də qalıb məşqlərimizi Maltada keçirək. Orada məşq keçmək üçün çox gözəl imkanlar var. Ümumiyyətlə Malta gözəl ölkədir. Komandamızın ilk oyundan sərfəli nəticə ilə evə dönəcəyinə inanıram. İndi əsas düşündüyüm məqam ikinci mərhələdə rəqibin kimliyini öyrənməkdir.”
