Topaz
Premyer Liqasının 18-ci turunda “Xəzər Lənkəran” doğma meydanda “Sumqayıt”la
qarşılaşdı. Rəqibini 4-3 hesabı ilə məğlub edən cənublular son turlardakı
uğurlu çıxışını davam etdirdi.
Korner.az-ınməlumatına görə, matçdan
sonra təşkil olunan mətbuat konfransında qonaq meydan sahiblərinin baş məşqçisi
Mustafa Dənizli liderlər qrupu ilə xal fərqinin azaltmaq lazım olduğunu
bildirib:
“İlk
dövrənin son oyunu idi, bizim üçün çox vacib oyun idi. Həm kubokda, həm də
liqada son 4 oyunda uğurlu çıxış etdik. Qarşıdakı 40 günü yaxşı
dəyərləndirməliyik. Liderlər qrupu ilə olan xal fərqini azaltmaq lazımdır.
Digər rəqiblərin nəticələrindən məlumatım yoxdur. Oyunun sonlarına yaxın
komanda rahatladı, hesab 4-1 olduqdan sonra uşaq səhvlərindən qollar buraxdıq.
Bu cür səhvlər buraxan futbolçular bir daha öz oyunlarını nəzərdən
keçirməlidirlər. Qol vurmağa çətinlik çəkmirik. Buna qədərki oyunlarda
qapımızdan qol buraxmadıq, indi isə rəqib komanda 3 qol vurdu. Oyunda xətalar
ola bilər, amma bu cür bəsit olmalı deyil. Qış fasiləsində bunun üzərində
çalışacağıq. Qarşıda 18 tur var, azarkeşlərimizi sevindirməyə çalışacağıq.
“Xəzər Lənkəran” olaraq öz sözümüzü deməliyik. Heç nəyə baxmayaraq
futbolçularımı təbrik edirəm. Qələbə qazanmasaydıq komandaya qış tətili
verilməyəcəkdi”.
