Topaz
Premyer Liqasının 18-ci turunda “Xəzər Lənkəran” doğma meydanda “Sumqayıt”la
qarşılaşdı. Rəqibini 4-3 hesabı ilə məğlub edən cənublular son turlardakı
uğurlu çıxışını davam etdirdi.
Korner.az-ınməlumatına görə, matçdan
sonra təşkil olunan mətbuat konfransında qonaq komandanın baş məşqçisi Aqil
Məmmədov ilk hissədə buraxdıqları səhvlərin oyunun taleyini həll etdiyini
bildirib:
“Heyətimizdə zədəli və cəzalı
futbolçuların olmasına baxmayaraq, komanda bu gün yaxşı mübarizə apardı,
maraqlı oyun alındı. Xüsusən
ikinci hissədə açıq futbol getdi. İlk hissədə müdafiədəki kobud səhvlər oyunun
nəticəsini müəyyən etdi. Hesab qane etməsə də, komandanın oyunundan razı
qaldım. Bacardığımız bu qədərdir”.
