Korner.az saytında keçirilən "İlin fan klubu" sorğusunun qalibi olan "Caspian Ultras" fan klubunun rəhbəri Ramal Novruzov bu və azarkeşi olduqları "Xəzər Lənkəran"la bağlı saytımıza müsahibə verib.
-İlin ən yaxşı fan klubu seçildiniz. Bununla bağlı nə deyə bilərsiz?
Əvvəla Korner.az saytına belə bir sorğu keçirtdiyinə görə dərin təşəkkürümüzü bildiririk. Biz bu adı demək olar ki, öz zəhmətimiznən və gördüyümüz işlərnən nail olmuşuq. Səs vermədə də bu öz əksini tapdı. Caspian Ultrasın hər bir üzvünə dərin təşəkkürümü bildirirəm və biz həmişə birlikdə güclüyük deyirəm.
– İlk dəfədir ki, qalib adını qazanırsız?
Xeyr bu artıq ikincidir. Ötən il başqa bir saytda keçirilən sorğuda birinci olmuşduq.
– İkinci dəfə ilin ən yaxşı nominasiyasında qalib adını qazandınız. Bu dəfə ki, sorğunun fərqliliyi nədə idi?
Fərqlilik hər şeyin tam demokratik keçməyindədir. Hətta bir neçə nəfər yazırdı ki, səs veririk səsimiz yazılmır. Ancaq ən gözəl variant idi ki, hər kəs 1 səs verə bilirdi. Bu da saxtalaşmanın qarşısını aldı.
– "Xəzər Lənkəran" fanatları reallıqda necə azarkeş olduğunu göstərə bilsə də, bunu həyatda reallaşdırmaqda çətinlik çəkir. Buna səbəb nədir?
"Xəzər Lənkəran" azarkeşi Azərbaycanda həmişə birinci olub. Yeganə komandadır ki, hər il ən çox azarkeş sayına görə birinci olur. Digər komandalarda rəqəmlər şişirdirilsədə, yenə də "Xəzər Lənkəran" azarkeşinin sayı qədər azarkeş toplaya bilməyib. Biz Caspian Ultras olaraq azarkeşlərin fanatlıq potensialını ortaya qoymaqa çalışırıq. Nə yazıq ki, azarkeşlərimizin çoxu kasıb təbəqədəndi. Çoxunun internetdən istifadə etməyə gücü çatmır.
– Biraz da, "Xəzər Lənkəran" haqqında danışaq. 18 turdan sonra komandanız ilk "altılıq"da son pillədə qərarlaşıb. Geridə qalan turları necə dəyərləndirərdin?
"Xəzər Lənkəran" üçün çox zəif nəticədir. Ancaq biz komandamıza, o cümlədən,baş məşqçimiz Bakesə inanırıq. İnşallah qış transfer pəncərəsindən lazımi istifadə edecək. Və yenədə komandamızın çempionluğa oynayacaqını ümid edirik.
– "Neftçi" arıdıcıl iki ildi çempion olur. Əzəli rəqibinizi bu dəfə üstələyib çempion olmaq şanslarını necə dəyərləndirirsən?
"Neftçi"nin çempion olması barədə nəsə deyə bilmərəm. Hər şey göz qabağındadır. Ardıcıl elə 2-ci dəfə könlümüzün çempionu Lənkərandır.
– Və sonda, fan klub başçısı olaraq 2013-cü ildə nə kimi yeniliklər imza atmağı planlaşdırırsız?
Fan qrupumuz yarandığı gündən yenilikləri ilə yadda qalıb. Məsələn ilk dəfə qızların fanatlıq etməsini misal göstərə bilərik. Bölgələrdə də filiallarımızı yaratmaq bir daha ən böyük olacağımızı göstərir. Hələ ki, Astara və Lənkaran filiallarımız fəaliyyət göstərir. İnşallah dahada böyüyəcəyimizi ümid edirik. Hər kəs Caspian Ultrasdan yeniliklər gözləsin… Hər kəsin gözü evdə olarkən I sektorunda olsun. Səfərdə isə harda olacağımızı bilmirik. 2013-ci ildə də sürpriz və yeniliklərlə Caspian Ultras gəlir.
Səxavət QURBANOV
