"Xəzər Lənkəran"ın səfərdə "Sumqayıt"la heç-heçə (1:1) etməsinin ardından baş məşqçi Yunis Hüseynov tutduğu vəzifədən istefaya göndərildi.
Korner.az xəbər verir ki, Hüseynovun gedişi Cənub klubunun son 11 aydakı 3-cü istefası kimi yaddaşlara həkk edildi. Belə ki, ötən ilin dekabr ayında Mirça Redniklə yollarını ayıran "Xəzər Lənkəran" bunun ardından boş qalmış posta Cüneyt Biçəri gətirdi. Türkiyəli mütəxəssisin "qələm"i isə "İnter"lə kubok oyununda qırıldı və ötən mövsümün sonlarında gedənlərin sırasına o, da qoşuldu.
Biçərin gedişindən sonra boş qalmış baş məşqçi postuna Yunis Hüseynovun gətirildi. Hüseynovun rəhbərliyi altında Lənkəran klubu ilk dəfə tarixində Avropa Liqasında mərhələ adladı. Lakin daxili çempionatdakı göstəricilər Hüseynovun işinə xitam verilməsi ilə diqqət çəkdi.
Ümumiyyətlə isə, son 8 ildə 9 baş məşqçi "Xəzər Lənkəran"nın sükanı arxasında olub.
