Topaz Premyer Liqasındakı mübarizə bitməsə də, bəzi klubların yayda hansı ölkədə hazırlıq keçəcəyi bəllidi.
Korner.az-ın məlumatına görə, “Xəzər Lənkəran” təlim-məşq toplanışı Avstriyanın Zalsburq şəhəri yaxınlığında baş tutacaq.
“Ağ-yaşıllar”ın toplanışa nə vaxt gedəcəyi avrokuboklara vəsiqə qazanıb-qazanılmamasından asılı olacaq. Cənub təmsilçisi qitə miqyaslı turnirlərə qatılsa, Avstriyaya daha tez yollanacaq. Avropa arzusu suya düşsə, Mustafa Dənizlinin komandası istirahətə çox vaxt ayıracaq.
