“Xəzər Lənkəran” komandası Premyer Liqanın XXI tur çərçivəsində fevralın 15-də “Qəbələ” klubu ilə səfərdə qarşılaşdı ki, bu da cütlüyün tarixində 23-cü görüş oldu.
Korner.az-ın məlumatına görə, “ağ-yaşıllar” indiyə qədər dünənki oyun da daxil, “Qəbələ” ilə 21-çempionat oyununda və 2-kubok qarşılaşmasında üz-üzə gəlmişdir. Bunlardan 12-də qələbə qazandığı halda komanda 6-görüşü heç-heçə bitirmiş və indiyə qədər cəmi 5-oyunda “Qəbələ”yə məğlub olmuşdur. “Xəzər Lənkəran”ın “Qəbələ” klubu ilə keçirdiyi oyunlarda məhsuldarlığı ilə seçilərək qapılara vurulan topların sayında rəqibdən xeyli üstünlüyünü də qeyd etmək lazımdır. Top fərqi : Ümumi: “Qəbələ” – “Xəzər Lənkəran” 21:34, Çempionatda: 19:30.
Statistik göstəricilər “cənublular”ın üstünlüyünü aşkar nümayiş etdirsə də, komanda artıq 5 oyun idi ki, “Qəbələ” ilə qarşılaşmalarda uğur qazana bilmirdi. Sonuncu dəfə 2011/2012 mövsümünün 07 – aprel 2012 tarixində minimal hesabla “Qəbələ”ni səfərdə məğlub edən “Xəzər Lənkəran” nəhayət 5-oyunluq uğursuzluq sindromunu dünənki matçda qıra bildi. Bunun üçünsə komanda nə az nə çox düz 679-gün gözləməli oldu və yenə də səfər matçında sevindi. Bu statistikalarda daha bir qeyri adilik diqqət çəkir. Belə ki, “Qəbələ” üzərində “Xəzər Lənkəran”ın qazandığı (kubok oyunu da daxil) qələbələrin tən yarısı, yəni 12-qələbədən 6-sı məhz səfər matçlarında qeydə alınıb.
12cioyuncu.info
