“Xəzər Lənkəran”: 100, 200, 250…

Azərbaycan Premyer Liqasının XVII turu “Xəzər Lənkəran” üçün əlamətdar hadisə ilə tarixə düşdü.

Korner.az klubun rəsmi internet saytına istinadən xəbər verir ki, “Neftçi”ni qəbul edən komanda Azərbaycan çempionatında yubiley – 250-ci matçını keçirdi. 2004/05 mövsümündə ölkə çempionatında debüt edən “Xəzər Lənkəran” tarixinin ilk rəsmi matçını 2004-cü il avqustun 7-də “Turan”a qarşı keçirib.

“Neftçi” ilə “Böyük oyun”a kimi 249 matça çıxan komanda azarkeşləri önündə qeyd etdiyi yubileyində qələbə qazandı – 2:1. Tarixi baxımdan 6-cı əlamətdar qarşılaşmaya çıxan “Xəzər Lənkəran” bu matçlarda “səfərdə heç-heçə, evdə qələbə” prinsipinə davam etdirdi. 100-cü və 200-cü oyunlarını evdə qələbə ilə qeyd edən komanda 250-ci matçda da 3 xala sevindi.