Topaz Premyer Liqası 20-ci turda son çempion “Qarabağ” “Xəzər Lənkəran”ı sınağa çəkib.
Korner.az-ın stadiona ezam olunmuş müxbirinin verdiyi məlumata görə, Qurban Qurbanovun yetirmələri zəifləmiş rəqib qarşısında uğursuz seriyanı qrımağa müvəffəq olub – 3:0.
Oyundan sonra meydan sahiblərinin futbolçusu Əfran İsmayılov bunları deyib:
“Çox çətinlik çəkdik. Lakin əlimizdən gələni etdik. Qələbə bizim üçün çox vacib idi. Bilirsiz ki, digər komandalar da irəliləyir. Lider komanda heç vaxt xal itirməməlidi. Əsas odu yolumuzu tapaq, qələbələri sıralayaq. Rəqiblər də güclüdü. Çempionat gərgin keçəcək. “Zirə” də gözəl oyunlar sərgiləyir. “Xəzər Lənkəran” kimi komandalar həm özü oynamır, həm də rəqibə oynamağa imkan vermir. Bu baxımdan çətinlik çəkirik. Ləzzət veriləsi bir şey var ki, öz qələbəmizi qazandıq. Rəqib də vuruşdu, çalışdı. Lakin biz də istəkli idik.
