“Di Mariya “Arsenal”la oyunda meydandan qovulduğu üçün heç bir bəhanə gətirə bilməz. İspaniyada bilirdi ki, hakimə toxunmaq olmaz. Görünür, İngiltərəyə gələndən sonra fikri dəyişib”.
Korner.az-ın məlumatına görə, bu sözləri “Mançester Yunayted”in baş məşqçisi Lui van Qal deyib.
O, sözlərinə belə davam edib:
“Di Mariya emosiyalara qapıldı. Həmin epizodla bağlı onunla söhbət etdim. O, mənim fikrimi bilir. Fikrimcə, Anxel hər halda hakimə toxunmuşdu. Bu isə bütün çempionatlarda qadağandı. Onun bəhanə gətirməyə haqqı yoxdu”.
