Rusiya millisi UEFA tərəfindən cəzalandırıla bilər.
Korner.az-ın məlumatına görə, şimal qonşumuzun AVRO-2016-nın təsnifat mərhələsində 3 ev matçını boş tribunlar önündə oynaması mümkündür. Goal.az xəbər verir ki, bunun səbəbi rus futbol fanatlarının Çernoqoriya ilə oyun zamanı davranışıdır. 2012-ci ilin yayında UEFA AVRO-2012-də baş tutmuş Rusiya – Çexiya (4:1) matçında azarkeş intizamsızlığına görə rusları 120 min avro cərimələmişdi. Apellyasiya şikayətindən sonra cərimə ləğv olunmuş və 3 ev oyununu azarkeşsiz keçirmək şərti cəza kimi təyn ounmuşdu. Sınaq müddəti isə AVRO-2016-nın təsnifat mərhələsi müəyyən edilmişdi.
UEFA Çernoqoriya ilə matçda rusiyalı azarkeşlərin pirotexnikadan istifadə etməsi və meydana kənar əşyalar atmasını əsas gətirərək Fabio Kapellonun komandasına qarşı intizam xarakterli iş açıb.
