"Oyuna əzmlə hazırlaşırıq. Görüşə qələbə istəyi ilə çıxacağıq”.
Korner.az-ın məlumatına görə, bu sözlər “Kəpəz”in gənc üzvü Elxan Əzizova məxsusdur. Ötən tur “İnter” ilə səfər oyununda premyerliqada ilk qolunu vuran Əzizov klubun rəsmi saytına açıqlamasında “Bakı” ilə bugünkü matç haqda danışıb:
“Turnir cədvəlində vəziyyətimiz elə də yaxşı deyil. Ona görə xala ehtiyacımız var. Heç bir komanda sonuncu pillədə olmaq istəməz. Eləcə də biz bunu istəmirik. ”