“Turan Tovuz”dan növbəti transfer – Rəsmi
13.07.2022 , 17:28
“Turan Tovuz” heyətini daha bir futbolçu ilə gücləndirib.
Korner.az klubun mətbuat xidmətinə istinadən xəbər verir ki, bölgə təmsilçisi Piruzi Marakvelidzeni transfer edib.
27 yaşlı gürcüstanlı yarımmüdafiəçi ilə 1 illik müqavilə bağlanıb.
Son mövsümü “Telavi”də keçirən Marakvelidze Tbilisi “Dinamo”sunun yetirməsidir, vətənində “Zestafoni”, “Merani” və “Liakvi”nin də formasını geyinib.
O, son mövsümdə “Telavi”nin heyətində 12 oyun keçirib 1 qol və 2 məhsuldar ötürmə ilə yadda qalıb.
Qeyd edək ki, “Turan Tovuz” gürcüstanlı yarımmüdafiəçi İmeda Aşortianın da transferini açıqlayıb.