XX turda daha 3 futbolçu Topaz Premyer Liqasında debüt edib.
Korner.az-ın məlumatına görə, yeni futbolçular “Qəbələ”, “Xəzər Lənkəran” və “İnter”in heyətində meydana çıxır.
“Qəbələ”nin baş məşqçisi Yuri Syomin Rusiya yığmamının sabiq üzvü Marat İzmayılovu “Qarabağ”a qarşı 90 dəqiqə oynadıb. “Xəzər Lənkəran”ın baş məşqçisi Mustafa Dənizli Eliası “Neftçi” ilə oyunun ikinci yarısında meydana buraxıb və 45 dəqiqə oynamasına şərait yaradıb. “İnter”in çalışdırıcısı Kaxaber Tsxzadadze isə çex İvo Taborksini “Rəvan” matçının son 42-ci dəqiqəsində döyüşə atıb.
