Tofiq Abasovun 100-cü ildönümü tamam olur
12.01.2024 , 10:47
![](https://korner.az/wp-content/uploads/2024/01/IMG_4510.jpeg)
Bu gün Azərbaycan basketbolunun inkişafında əvəzsiz rolu olan Tofiq Abasovun 100-cü ildönümü tamam olur.
Korner.az xəbər verir ki, 1924-cü ilin yanvar ayının 11-də Bakı şəhərində anadan olmuş Abasov 1951-ci ildə Azərbaycan Dövlət Bədən Tərbiyəsi İnstitunu bitirmişdir.
Bundan cəmi 1 il sonra – 1952-ci ildə basketbol üzrə milli komandanın baş məşqçisi təyin olunmuş Tofiq Abasov 25 il yığmaya rəhbərlik etmişdi. O, 1976-cı ildən 1996-cı ilə kimi Azərbaycan Basketbol Federasiyasının prezidenti kimi fəaliyyətini davam etdirmişdi.
Böyük Vətən müharibəsinin iştirakçısı olmuş Abasov 1947–51-ci illərdə basketbol üzrə dəfələrlə Azərbaycan çempionu olmuşdur.
O, həmçinin Qırmızı Bayraq, I dərəcəli “Vətən müharibəsi” ordenləri ilə təltif olunmuşdur.
Ölkə basketboluna əvəzsiz xidmətləri olan Tofiq Abasov 2005-ci il fevral ayının 21-də Bakı şəhərində vəfat etmişdir.
![](https://korner.az/wp-content/uploads/2018/06/korner-logo.png)