“Qarabağ” Portuqaliyanın məşhur “Maritimo” klubundan transfer olunmuş Danilo Diasdan sonra daha bir transfer məsələsini də həll etdi.
Korner.az-ın “Qarabağ” klubunun rəsmi saytına istinadən verdiyi məlumata görə,Çempionlar Liqasına hazırlığını davam etdirən komanda daha bir transferini reallaşdırdı.
Ağdam təmsilçisi “Neftçi” klubunun və Milli komandanın 22 yaşlı gənc müdafiəçisi olan Tərlan Quliyevi transfer etdi. Bu gün tibbi baxışdan keçdikdən sonra Tərlan ilə 3 illik müqavilə bağlanıb. Tərlan klubun saytına açıqlamasında bunları deyib:
“Futbol karyeramın inkişafında “Neftçi” Futbol Klubunun böyük əməyi olduğuna görə “Neftçi” Futbol Klubunun rəhbərliyinə təşəkkür edirəm.Yeni klubum olan “Qarabağ”a həm Çempionlar Liqasında həmdə Azərbaycan Premiyer Liqasında əlimdən gələn köməyi əsirgəməyəcəm”.