22-ci Azərbaycan kubokunun püşkatması zamanı PFL-in prezidenti Ramin Musayev suprekubok haqqında da məlumat verib.
Korner.az-ın məlumatına görə, Azərbaycan superkuboku uğrunda oyun, 23 oktyabrda Naxçıvan şəhərində baş tutacaq.
Ramin Musayev fikirlərini belə ifadə edib: “Azərbaycan Superkuboku uğrunda oyun oktyabrın 23-də Naxçıvan şəhərində keçiriləcək. Azərbaycanın hər bir güşəsi bizim üçün əzizdir. Gəncədə keçirilmiş “Qızıl oyun”da, Quzanlı qəsəbəsində “Qarabağ” – “İnter” oyununda stadiona gələn azarkeşləri görmək çox gözəl hiss idi. Ümid edirəm ki, bu hissləri Naxçıvanda da yaşayacağıq, Naxçıvan xalqının futbola böyük sevgisi var. Hər bir komandanın Azərbaycanın istənilən yerində azarkeşləri var”.
O həmçinin yeni təyinatı ilə əlaqədar olaraq Şahin Diniyevi də təbrik edib.