“Sumqayıt” – “Fehervar” matçının biletləri satışda
15.07.2024 , 14:25
UEFA Konfrans Liqasının 2-ci təsnifat mərhələsində keçiriləcək “Sumqayıt” – “Fehervar” qarşılaşmasının biletləri artıq satışdadır.
Korner.az xəbər verir ki, bu barədə “Sumqayıt”ın mətbuat xidməti məlumat yayıb.
Biletləri iTicket.az, 1 saylı Sumqayıt ASAN Xidmət mərkəzi, 20 iyuldan etibarən isə Mehdi Hüseynzadə adına stadionun kassasından əldə etmək mümkündür.
Biletlərin qiyməti sektorlardan asılı olaraq 5, 10 və 25 manatdır.
Qeyd edək ki, iyulun 25-də Mehdi Hüseynzadə adına Sumqayıt şəhər stadionunda keçiriləcək görüş saat 20:00-da başlayacaq.
