“Bu, komandamızın ən yaxşı oyunlarından biri idi. Mən komandanın hər bir üzvünü bu oyuna görə təbrik edirəm”.
Korner.az-ın alban mətbuatına istinadən məlumatına görə, bu sözləri Çempionlar Liqasının təsnifat mərhələsi çərçivəsində “Neftçi”ylə Bakıda 0:0 hesablı heç-heçə edən “Skenderbeu”nun prezidenti Adrian Takay bildirib.
Klub başqanı qeyd edib ki, cavab oyunu da çətin olacaq, ancaq üstünlük 51 faizlə onun komandasının tərəfindədi: “Mən komandamdan müsbət nəticə gözləyirdim və buna görə də Bakıya getmişdim. Yaxşı oynadıq. Hətta birinci hissədə oyuna diktə edən tərəf biz idik. İndi revanş oyunu barədə düşünmək lazımdı. Şübhəsiz, o da çətin keçəcək”.