"Bu gün fantastik oyun keçirdik. Futbolçularım oyunun ilk dəqiqələrindən sonadək qələbəyə köklənmişdilər".
Korner.az-ın azerisport.com-a istinadən verdiyi məlumata görə, bu sözləri "Skenderbeu" klubunun baş məşqçisi Mirel Yosa "Neftçi" ilə oyundan sonra keçirilən mətbuat konfransında deyib.
"Komandam güclü rəqibi məğlub etdi. Futbolçularımla fəxr edirəm. Azərbaycanlılar hakimlikdən narazı qalıb? Yəqin, onlar məğlubiyyəti həzm edə bilmirlər ki, hakimlikdən narazı qalıblar", – deyə Yosa əlavə edib.
Qeyd edək ki, "Neftçi"ni 1:0 hesabı ilə məğlub edən "Skenderbeu" növbəti mərhələyə adlayıb. Albaniya çempionu Qazaxıstanın "Şaxtyor" klubu ilə qarşılaşacaq.
