"Simurq"un qapıçısı Pavel Kapsa ilə müqaviləsi başa çatır.
Korner.az-ın məlumatına görə, klub rəhbərliyi hələlik polşalı qapıçıya yeni anlaşma təklif etməyib.
Zaqatala təmsilçisi müqaviləsi başa çatan futbolçularla mövsümün sonunda danışıqlara başlamaq niyyətindədi. Bu səbəbdən Kaspanın komandada qalıb-qalmayacağı bəlli deyil.
Qeyd edək ki, yayda Cənubi Kiprin "Olimpiakos" (Nikosiya) klubundan transfer olunan Kapsa ilə 1+1 şərti ilə müqavilə imzalanmışdı. O, "Simurq"un heyətində 28 Premyer Liqa matçına çıxıb və 2520 dəqiqə oynayıb. Qolkiper həmçinin kubokdakı bir matçda da 120 dəqiqə forma geyinib.
