_w135_h96.jpg)
Azərbaycan kubokunun 1/8 final mərhələsi çərçivəsində AZAL-ın qonağı olacaq "Simurq" qarşılaşmanın oynanılacağı arenada məşqə çıxıb.
Korner.az-ın klubun rəsmi saytına istinadən verdiyi məlumata görə, yağışlı hava şəraitində keçən hazırlıq prosesində komanda tam heyətlə məşq edib.
Georgi Çixradzenin yetirmələri əvvəlcə fiziki hazırlıq üzrə məşqçi Aleksandar Karakliçin rəhbərliyi altında isinmə hərəkətlərini yerinə yetirib. Daha sonra isə qapıya zərbələr və iki tərəfli oyunla hazırlığı tamamlanıb. Bundan sonra "sarı-qaralar" istirahətə çəkilərək qarşılaşmanın başlama vaxtını gözləməyə başlayıb.
Qeyd edək ki, "Simurq" buna qədər də Azərbaycan kuboku çərçivəsində AZAL-la üz-üzə gəlib. 3 il əvvəl görüşən rəqiblərin qarşılaşmasında qapılara qol vurulmayıb. Həmin vaxt qalib penaltilər seriyası sayəsində müəyyənləşib. O zaman "Olimpik-Şüvəlan" adı ilə çıxış edən AZAL penaltiləri daha dəqiq yerinə yetirərək turu adlayan tərəf olub.
Xatırladaq ki, AZAL – "Simurq" oyunu bu gün, saat 17:45-də başlayacaq.
